Wungguli Ode Bandla Puluwa

Dewi Dama
15 Apr 2006

Buti-butiye ma'o, dulo buku wunggilo lo bantha latiya mayilopulito pilobaca. Karna debo dipo mo'otuluhu, ohuyi, te uti mapilo wungguliya latiya silita uyilo alamiya latiya lohilawo. Ma'apu ju: uwanu bahasa liyo tutulapata. mohile potunu uwanu ma tilala.

Mama : “Silita umowali wungguliyo’u ode’olemu uti dada:ta. Bo woluwo wungguli tuwewu u gaga.”
Bantha : “Hintha wolo uwito mama?”
Mama : “Odiye silita liyo Nunu…Hepolele li nenemu, ti mama donggo kikingo delo yi'o otutu panita. Ti mama panita bo: mo:he molohuluwa karna ti mama ta paling kikingo. Ti mama olo sanangi da’a hemosikola mayi karna Ti mama layito mo’otapu juwara satu to sikola. Da torasa li mama, nga’amila guru-guru motoli’ango kocuali ngota dulota ta wala’iyo ja mo’odehe juwara li mama.”
Bantha : “Lapata’o…?”
Mama : “U lebe mo’o sanangiya, timi’idu mo’o tapu juwara, mo’otapu hadiya montho olo guru kalasi.”
Bantha : “Hintha wolo hadiya liyo mama?”
Mama : “Rupa-rupa Nunu. Buku mohelu limo, patuluti tolo mato wawu polopeni dulo mato. Tingga matiye ma’o anu guru liyo odoyi, duhenga liyo lo sabongi po ku:ku, anu ja ‘li fe boy’ bo ‘san laig’ Nunu. Biyasa liyo ti mama woli tanthemu sasayingiya uwolita udadata tuwango lo hadiyah liyo.”
Bantha : “Lapata’o mama….?”
Mama : (Hihihi..) “Lapa ta’o ti mama woli tanthe mamo pateya poli.”
Bantha : “Longola odito mama?”
Mama : “Pe’entha u lo’o pateya gara-gara tuwango lohadiya li tanthemu bongo’idi. Lapata’o ledungga ma’o de bele, tiyo ma hiyo-hiyongo toli nenemu.”
Bantha: “Longola mama?”
Mama : “Ti Tanthe mo tunthuti deli nenemu me duhengo buku liyo mowali sasamawa woli mama. Padahali, uwoli mama lebe dada:ta montho oli tanthe karna ti mama lo’otapu juwara umum.”
Bantha : “Wolo juwara umum boyito mama?”
Mama : “Juara li mama jabo to kalasi lohilawo Nunu. Montho siswa juara satu to nganga’amila kalasi, nilai li mama ta lebe molanggato. Termasuk ti Tanthe ta’iyo lo dehe li mama nilai liyo.”
Bantha : “Ooh…. Hintha wolo uhehiyonga li tanthe?”
Mama : (Hmm..) “Ti nene he lo’iya liyo jamo toli’angiyo uwanu dila mo duhenga buku liyo. (Memangi olo taman-tamani lami ta juwara hewohiya lo orang tua liyo hadiyah u lebe mahale ma’o. Karna ti nene woli bapumu ja’o doyi dada:ta, jamo’o tali delo timongoliyo.) Lapata’o, ti tanthemu momanja-manja. Ti nene bolo hemoleyapu duheliyo, mohiburu oli tanthe wawu pila-pilalango ponu liyo….”
Bantha : “Hintha wolo pilolele li Nene?”
Mama : “Wali nenemu ma’o de’olami, “Bolo posabarilo Mbui liyo mo:nu. Ati’olo ma hama mayi to’utonu boyito doyi potali buku. Debo otawa limongoli u pobalanja ngohuyi-ngohuyi inthi-inthilo Mbu:iy..”

Lapatao ma potuntunga liyo mayi lo nasehati, “Bilehi mayi ti papa Mbu:i dila okalaja tata:pu. Uwanu diyaluwo tame’i detu, montho utonu doyi Mbu:i? Uponula to balangga malopulito hepilotali. Ati’olo ti Papamu susa Mbu’I liyo mo:nu..”

Debolo wali tanthemu ma’o, “Yilongola olo ti mama lohuto nilika li papa ta susa?”

Ma’apu ju: sirita butiye dila mowali po’ombuto latiya de olantho nga’amila.


You are the reason:
· Dikau putra-putriku (Fathir & Ridha), semoga beroleh peluang yang lebih layak untuk mewujudkan cita-citamu.
· Saudaraku tercinta: Selamat Ulang Tahun, Hope you enjoy your single days!!
· Mama tersayang: Engkau selalu di hatiku.